كل عام وانتم
كل ..... وانتم
تاهت من شفتي الجلمة
ودكت على صدري بجفها الحسرة
يمكن دخان البارح برد الهمة
يكولون
كل عام وانتو
تتزايد اللمة
ارد جفي على جفني
كل عام وانتو بخير
يمكن صبح العيد تورد الجلمة
ويمكن اذكر
لو شفت لمحة عيونك يا يمة
لو امتدت ايدك تحسس شعري
تهيض حلمي
اكعد
اكعد يا وليدي
غسل عيونك
والبس هدومك
وعيد على خالك وعمك
ولا تنسى تبوس ايد امك
افز علا حيلي
شكد راح من العيد يمة
امد ايدي
تدور وجهي
امدها تدور ايدج يا يمة
امد ايدي بعمري
بشبابي
بالي اجى
واللي مضى
بذكرى الطفولة
وصدرية مدرستي
وين يا حبيبة
وين ايدج اضمها
اهومي واشوبر
اش هالمزحة
الله عليج يا يمة
هاتي أي شي يحمل ذكراج
ابلش العيد يمة
...
صوت البوسة والضحكات
بالحارة يا حبيبة
اريد الحق اتمرجح لي جم مرة
كل عام وانت بخير
وبخير هالالف الجملة
احس ايدج
ابوس الجف
احس نبض ميت
صدك الصبح لو يطلع
بدونج مالو طعمة
اشلون العيد وهدومي مرمية
لا ايد ترتبها
ولا ايد تخليها مكوية
يطش الصحو بعيني
ورشة المية
صحيح القلب ما يصدق
وصحيح العمر ما يرضى
تلوب عيني
ادور عمري
ما لقيت عيد مثلج يمة
مثل كل صبح
الملم الدمعة
واصدق نفسي وما اصدق
صدق رحتي
صدق قلب العيد مقلوب
من قبرج ابلش العيد يمة
وتتاجل اللمة
وتتغير الجملة
محتاج اصدق
حنينة مثلج تخربط الدنيا
الم دمعي
وافتح الشباك
اعلم الناس العيد
اعلمهم
اشلون يمكن العيد
بلا ثوب جديد
وبلا احبة
اعلمهم بعد ما طال بي العمر
اشلون العيد يصير بلاياج يمة
اشلون اليتامى توسع اللمة
وتغير الجملة
كل عام وانتي بخير يمة
لو اقدر اقول
كل عام وقبرج محله
اللـــــــه ما اسخف الجملة
ما اسخف حروفي بلا اسمج
بلا لمة جفوفك
واذكر العام المضى
يوم كانت الدنيا تجمعنا
يومها مر العيد من يمنه
من وقفه غيرج وشده من اذنه
وان سمح لي الزمان
ارجع لاول عيد لي بالدنيا
جنت ما افهم حروف البشر
جنتي معاي بمية لغة
وقلتي وافهمت
اكقعد يا وليدي
غسل عيونك
والبس هدومك
وعيد على خالك وعمك
يا ترى نسيتي تقولي عيد على امك
وحق ترابج مانسيتي
لكن جان الج حكمة
واليوم ادري
لازم تبوس ايد امك
هاي التراها
جت علا الدنيا وما حدا انتبهلا
وراحت من الدنيا
بهدوة
وما خلت حدا انتبهلا
مرت ستين عام
اعطت ما عندها
وما خذت منا غير جفنها
مرت
مرور قطرة ماي برمال اهلنا
قطرة بفواه عطشانة
ولا ارتوت
ولا هي فرحت بابنها
مرور هلهولة بتعزيب جبير
بكبر هالدنيا
لا غيرت الدنيا
ولا هي نست حزنها
اسرع من رصاصة مرت بعمرنا
واطول من غصة تظل بحلقنا
هاي انتي
اسولف للبشر ومن بعد يهمه
من بعدج لوتذكرت
عمري النسيته وما نسيتي
لو كتبت بايدي
هي منج
من رعاها ومن كبرها
لو نظرت بعيني من حفظها ومن دراها
لو ركضت برجلي
من علمها المشي
ويوم انجرحت دواها
لو خفقة فوادي ماهو منج دمه
لو كل خلية صارت مني علم
ما هو تسع شهور من حضنها
ولو رسمتج
ولو غنيتج
ولو بجيتج
شيفيد الراس انما بجفج تجنا
والعيد المر
من يم اهلنا
كل الناس تطلع وانه انتظر يمة
لو تكولي
يلا يايمة
غسل عيونك والبس هدومك
وعيد على خالك وعمك
كل ..... وانتم
تاهت من شفتي الجلمة
ودكت على صدري بجفها الحسرة
يمكن دخان البارح برد الهمة
يكولون
كل عام وانتو
تتزايد اللمة
ارد جفي على جفني
كل عام وانتو بخير
يمكن صبح العيد تورد الجلمة
ويمكن اذكر
لو شفت لمحة عيونك يا يمة
لو امتدت ايدك تحسس شعري
تهيض حلمي
اكعد
اكعد يا وليدي
غسل عيونك
والبس هدومك
وعيد على خالك وعمك
ولا تنسى تبوس ايد امك
افز علا حيلي
شكد راح من العيد يمة
امد ايدي
تدور وجهي
امدها تدور ايدج يا يمة
امد ايدي بعمري
بشبابي
بالي اجى
واللي مضى
بذكرى الطفولة
وصدرية مدرستي
وين يا حبيبة
وين ايدج اضمها
اهومي واشوبر
اش هالمزحة
الله عليج يا يمة
هاتي أي شي يحمل ذكراج
ابلش العيد يمة
...
صوت البوسة والضحكات
بالحارة يا حبيبة
اريد الحق اتمرجح لي جم مرة
كل عام وانت بخير
وبخير هالالف الجملة
احس ايدج
ابوس الجف
احس نبض ميت
صدك الصبح لو يطلع
بدونج مالو طعمة
اشلون العيد وهدومي مرمية
لا ايد ترتبها
ولا ايد تخليها مكوية
يطش الصحو بعيني
ورشة المية
صحيح القلب ما يصدق
وصحيح العمر ما يرضى
تلوب عيني
ادور عمري
ما لقيت عيد مثلج يمة
مثل كل صبح
الملم الدمعة
واصدق نفسي وما اصدق
صدق رحتي
صدق قلب العيد مقلوب
من قبرج ابلش العيد يمة
وتتاجل اللمة
وتتغير الجملة
محتاج اصدق
حنينة مثلج تخربط الدنيا
الم دمعي
وافتح الشباك
اعلم الناس العيد
اعلمهم
اشلون يمكن العيد
بلا ثوب جديد
وبلا احبة
اعلمهم بعد ما طال بي العمر
اشلون العيد يصير بلاياج يمة
اشلون اليتامى توسع اللمة
وتغير الجملة
كل عام وانتي بخير يمة
لو اقدر اقول
كل عام وقبرج محله
اللـــــــه ما اسخف الجملة
ما اسخف حروفي بلا اسمج
بلا لمة جفوفك
واذكر العام المضى
يوم كانت الدنيا تجمعنا
يومها مر العيد من يمنه
من وقفه غيرج وشده من اذنه
وان سمح لي الزمان
ارجع لاول عيد لي بالدنيا
جنت ما افهم حروف البشر
جنتي معاي بمية لغة
وقلتي وافهمت
اكقعد يا وليدي
غسل عيونك
والبس هدومك
وعيد على خالك وعمك
يا ترى نسيتي تقولي عيد على امك
وحق ترابج مانسيتي
لكن جان الج حكمة
واليوم ادري
لازم تبوس ايد امك
هاي التراها
جت علا الدنيا وما حدا انتبهلا
وراحت من الدنيا
بهدوة
وما خلت حدا انتبهلا
مرت ستين عام
اعطت ما عندها
وما خذت منا غير جفنها
مرت
مرور قطرة ماي برمال اهلنا
قطرة بفواه عطشانة
ولا ارتوت
ولا هي فرحت بابنها
مرور هلهولة بتعزيب جبير
بكبر هالدنيا
لا غيرت الدنيا
ولا هي نست حزنها
اسرع من رصاصة مرت بعمرنا
واطول من غصة تظل بحلقنا
هاي انتي
اسولف للبشر ومن بعد يهمه
من بعدج لوتذكرت
عمري النسيته وما نسيتي
لو كتبت بايدي
هي منج
من رعاها ومن كبرها
لو نظرت بعيني من حفظها ومن دراها
لو ركضت برجلي
من علمها المشي
ويوم انجرحت دواها
لو خفقة فوادي ماهو منج دمه
لو كل خلية صارت مني علم
ما هو تسع شهور من حضنها
ولو رسمتج
ولو غنيتج
ولو بجيتج
شيفيد الراس انما بجفج تجنا
والعيد المر
من يم اهلنا
كل الناس تطلع وانه انتظر يمة
لو تكولي
يلا يايمة
غسل عيونك والبس هدومك
وعيد على خالك وعمك
ليست هناك تعليقات:
إرسال تعليق